الاتكيت وما ادراك ما الاتكيت

زائر

الاتكيت
ورطوني اصدقائي وعليّ فرضوا الاتكيت
جيب ليل وجر عتابه بلوة انه وابتليــــت
ولنّي بالمنصور مدعوا دعوة بيها تورطيت
لاهو طبعي ولاهو ثوبي دعوة الكشرة مشيت
لازم احجي انكليزي وانه لأجله من المدارس بطليت
بين يس وبين نو لعبة والله انه صفيت
حلوة كالت هاي عيني حرت مدري ابيش اجاوب
واني حسبالي مسبة كلت اصبر عالمصايب
اقتربت الحلوة بتأني وهمت وطلبت تعارف
كالت اني اسمي زيزي وهذا بوبي اسمه جوني
بوبي حسبالي ابوها كلت ابيّج اسمه بوبي
يعني ابيّج اجنبي ؟انهجم بيت الورطوني
ضحكت الضحكة بنزاكة وكالت بوبي اسم الدوك مالي
بوبي ثاري مو ابوج بوبي ثاري خطيبج
عفتي كل هاي الاسامي وصار بوبي من نصيبج
كالت ياي شبيك عيني بوبي اسم الجلب مالي
وعندي روكي جلب نونو راح سفرة لبيت خالي
شوفه عيني شوفه جوني شوفه بيدي شكد رقيق
يله صيح الجلب مالك جوني يدورله صديق
كلت زيزي اني اسف ماي بوبي راح يدرس بالسويد
وابن عم الدوك مالي صار مدمن عالثريد
لمست ايدي وكالت نركص ركص لوووف ؟
كلت زيزي انهجم بيتج صار اسم الجوبي لوف ؟
ومن اشوف الناس تركص كلت يمكن القيامة
كلت زيزي ولج علكت هاي كونة وكلمن يفزع اعمامه
وركضت توثية ادور وفشخت كل الحضور
ومادريت ولنه نجدة وبينهم انه محصور
خربيت الحفلة بيدي وبالسجن تالي صفيت
هذا يابوي التقدم وهيج اثاري الاتكيت

مشكوووووور حبي

عاشت ايدك

زائر

اشكر مروركم الحلو

عاشت ايدك

تسلم عاشت الايادي