كبدة دجاج بالفطر .. طريقة سهلة

شلون الكل ؟ ان شاء الله زينين ..
راح اوصفلكم طريقة كلش سهلة لفد اكلة كلش طيبة وان شاء الله تعجبكم ...
لشخصين المكونات :
1. ربع كيلو كبدة دجاج
2. فطر مقطع (يعني اذا جاهز تقريبا نص علبة بحيث تكون كميتة مساوية لكمية الكبدة )
3. نص بصلاية متوسطة او بصلاية صغيرة
4.نومي بصراية وحدة
5. ملح
بدون اي بهارات

اولا: تحضير المواد :
1. قطع الكبدة قطع متوسطة الحجم
2. قطع البصل بالحجم الي يعجبك
3. تكسر النومي بصرة ويستخرج النوى وتكسر الى قطع صغيرة
4.قطع الفطر الى قطع عادية الحجم(متوسطة -كبيرة)

ثانيا : الطبخ
1. اول خطوة تخلي الفطر علة نار هادئة ومغطى الى ان
يبدي المي الي بداخلة ينشف وتعرف هالشي من الصوت الي يبدي يطكطك (وانتبه
انو اذا تريد يقلبة باي مرحلة اول مرة وخرة من النار دقيقتين حتة ليطك
عليك )
2. بعد مينشف المي تخليلة زيت (خاشوكة اكل - خاشوكتين ) وترجع تغطي وتعوفة علة نار هادئة ...
3. تضيف البصل وتعوفهم علة نار هادئة مدة ربع ساعة وراهة تضيف كمية زيت نفس اول مرة وتضيف الكبدة والنومي بصرة ..وتضيف ملح
ومرة لخ اذكر انتبه من تريد ترفع الغطة طفي النار وعوف الخليط يبرد شوية حتة ليطفر عليك شي..
4. تعوف الخليط علة نار كلش هادئة مدة 20-30 دقيقة و تقلبة مرة مرتين بهالوقت ..
من تحس الكبدة استوت والفطر استوة زين ترفعة من النار ..تعوفة دقايق وبعدين اكل اصابعك ورا
والف عافية ....

مشكور عالمرور اخوية بكر
ويلا شوية شوية تتعلم اول مرة بالبيضة وبعدين الطماطة وبعدين الزلاطة وبعدين تنطلق العالم النجومية