موضوع: عووووووده لسبعينات القرن االماضي الجمعة أبريل 25, 2008 12:02 am
قامت المذيعه الاموره الحلوه التي تقدم برنامج (سكوب) على قناة ام بي سي باجراء لقاء مع المخرج السلوفاكي (مدري شنو... فتش)... يعني قابل متوقعين اتذكر اسمه ...المهم همه كلهم اسمهم ينتهي اب .فتش (الظاهر همه من فخذ واحد) ... حيث قام هذا المخرج الذكوراعلاه بصنع اول فلم تاريخي عن تاسيس دوله سلوفاكيا . ويعود الى تاريخ 1977.وطبعا سلوفاكيه دوله حديثه وتعتبر التلاثين سنه تاريخ طويل بلنسبه الها.......... وجرى حوار طويل بين هذه الحاته الحلوه الاموره و المخرج المذكور اسمه في اعلاه . . ولفت نظري سؤالها الاخير جان حلو وامور مثلها ...حيث قالت.........المذيعه الحلوه الاموره........ ماهي المصاعب الي واجهتك في صنع هذا الفلم التاريخي . المخرج ( بعد ان اخذ وضعيه الاستعداد لبدايه الهمبله)........من اهم المشاكل التي واجهتنا هوه كيفيه اقناع المشاهد بان احداث الفلم قد وقعت في عام 1977حيث واجهنا صعوبه في نقل هذا التاريخ الى المشاهد عن طريق الفلم .واجهنا صعوبه اولا في ايجاد السيارات التي كانت موجوده في ذك التاريخ وكذلك بلنسبه للابنيه والمقاهي وحتى الشوارع والالبسه........لان اغلب هذه الامور قد انقرضت او تطورت فواجهنا صعوبه في ارجاع المشاهد الى ذالك الزمن وواجهنا صعوبه في ايجاد هذه الامور المنقرضه.... . المذيعه الحلوه الاموره........شكرا جزيلا.....نلتقيكم بعد الفاصل
. . . ................... هايدي البئره الي تعمل جبنه كيري........لكن هاديك شو بتعمل حليب ولا اشطه. ................ ونطفت الكهرباء
ورحت ركض عل تايكر اريد اشغلها وماكو فايده الظاهر زعلانه .... وبعد فتره (وجيزه) ومن خلال مجموعه من (الجلاليق) رضت عليه المولده ولكن بعد فوات الاوان ....... . . .
المهم هسه نرجع للحجي الي كاله المخرج المذكور اسمه انفا"........طبعا لو جان المخرج عراقي مسوي مثل هيجي فلم فهل سيواجه نفس الصعوبات ( يا ترى) .اشو السيارات وبعدها موجوده .......... والابنيه وجانت احسن... والمقاهي وجانت ارتب..... والشوارع وجانت نظيفه اتخبل..... والاالبسه اداينهم قمصان ابويه و بلرغم من هاي التسهيلات بس اشو ماكو فد انتاج عراقي تاريخي..ليش هيجي يا مخرجين حمدوا ربكم العراق صارله اتلاثين سنه على نفس الحطه .الفروض صناعه الافلام التاريخيه تزدهر بلعراق
ولكن بعد (برهه) وعلى غير عادتي.... قمت بلتفكير مره اخرى... واكتشفت انه المخرج العراقي راح يواجه صعوبات اكثر .....
اول شي لازم يلكي شوارع مابيها حواجز ولازم الترفكلايت يشتغل ويسوي عليها حمله تنظيف وصبغ الارصفه واعاده تبليط ولازم يلكي بنايات خاليه من الامريكان وغير مطرزه باثار الطلقات ولازم يلكي منطقه خاليه من الصور وشعارات الاحزاب ومطاكه بيها سياره مفخخه سابقا ولازم شارع متيفوت بيها همر لو دبابه.. اتخيلوا ديصور فلم تاريخي وتجي دبابه (تتمندل) ابنص التصوير ... لو هوه وديصور تسمع صوت الاباتشي( يلعلع)
واصعب شي لازم يلكي منطقه مابيها صوت مولدات ولا واحد يبيع جلكانات بانزين . يعني المخرج لازم يسوي كل هاي الشغلات حتى يكدر يرجعنا الزمن السبعينات . (واخيرا) كلت هاااااااااااااا... اي صدك... لا خطيه المخرجين. لا صدك شغله اتعب ومستحيله فياااريت تدعون ويايا الخاطر المخرجين ..........انشالله ياربي نتطور ازيد وازيد ونرجع (لي وره) الى الزمن السبعينات حتى نكدر انصور فلم تاريخي بله مشاكل
تحياتي
nenb قائد فرقة الدين المسيحي
عدد الرسائل : 53 العمر : 31 تاريخ التسجيل : 14/04/2008
موضوع: رد: عووووووده لسبعينات القرن االماضي السبت أبريل 26, 2008 9:22 pm
مشكووووووووووووووووووووووووووووووور
charlies_angel ملازم
عدد الرسائل : 101 العمر : 30 تاريخ التسجيل : 26/05/2008
موضوع: رد: عووووووده لسبعينات القرن االماضي السبت مايو 31, 2008 11:39 pm