يمه البيت عكبج يبجي عالبيت
وسوده وداعتـــــج شفـت الحياطين
وعتبة بيتنه زعلت على الباب
وعلينه أتسودنت ما ترضى ترحين
وشفت دمع البلابل والعصافير
طاح أعله المكان البــــي تكعــدين
وشفت لطخت حزن بخدود الورود
وصبح بستانه يبجي البـــــــساتين
فراكج موسهل يذ بحني كل يوم
كل يوم بسـنه لا والله عشـــــــرين
ييمه بفركتج نص عمري مأخوذ
ولا جن فركتـــــج يايمه يـــــومين
ما أدري شيضل لو طال الفراك
على هذا الوضــــع يراد عمــــــرين
شكض من الدمع ودموعي شلال
وعليج أتسودنت ماتسكت العــين
جلمة يمه منج بلسم جروح
وجلمة بعد بيتي أتداوي جرحـــين
أذا موجودة يمه نصير عـــــــقال
ونصـــير بغيبتـــج مثل المجانـي
ن
على وجهج لكينه الحزن مـرسوم
وكبـــاله الفرح ذابحـــــته السـنين
رضعتينه الحزن من شد الكماط
وغـــذتنه دمـــعتج حـــب الحـسيـن
تروح بروحتج ماتبـــقى أرواح
جسد واكف جــذب بس احنه ميتين
يااجمل وحن مخلوق بالكــــون
مثلج ما كو مثلـــــج أقسم ثنــين
تحت جدمج جنان وتجري انهار
وبعـــد فوك الجـدم أشكال تلــكـين
يا أم ألوفه ماشــــوف أوفيـــــــج
لو كد نــوح عمري يصــير مرتين
اغفه بحضن صبرج وانه شبــعان
واحس جوعانه كلـــش من تنـــامين
أمي الجــــنه أنتي منزله بيت
وتنام بظـــلج ابيــوت الجــــــوارين
سكوتج ادري يمه يحير الليل
مثل صفنة البـــحر لمـــن تصفنيـن
واذا تحجين بلبل يعـــــزف الحان
ومن حلكج يظل يطـــافر الــتــــيـن
خيط السبحة أنتي أخذينه ويـــــــاج
نطشر خـــــرز لمــــــن تروحــــين
الأربعاء يونيو 18, 2008 12:12 am
