ابوووووووووووووووذيات حديثة

وحك القاب والقوسين ودنه
الغيرك مايلف ويدور ودنه
اكربلك ردت بخطاي ودنه
لاجن تبتعد عني بردية

سهم نابت بلب حشاي ماضي
وعلى كتلي بهواه المحب ماضي
عشرتي وياك صارت فعل ماضي
وصفت لليوم حاضر بالاذية

يامن حسن الخلق ملبسة ورداه
سهم لحظك صوب الدلال ورداه
اتمنى اوصل الخدك واشم ورداه
حتى اطيب وماتظل كل علة بية

تمر وعلي ساترهه بختهه
حچت ونار البگلبي بختهه
بخت من كال بدلهه بختهه
شلون الذهب والفضة سوية

بجت روحي بتوالي الليل ونعت
وتذكرت الزمان الفات ونعت
جنت مهيوب هسة اندفع ونعت
تمنيت الموت ولايصير الصار بية

يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد اليه

امفارك والليالي اسنين مرن
وعلي صاير لذيذ الزاد مرن
طفر قلبي على النقال من رن
حسبت الروح هي اترد علية

(انشاءالله تعجبكم البوذيات)









شباب بنات شرفوني بردودكم





تحياتي

((sarmad.x))

مشكور وردة وعاشت ايدك