السلام عليكم هذه محاورة بين حبيب وحبيبة
1-زمان الغير گليبك وداره
ياما گلبي أسعالك وداره
جنت للدلال أم أنته وداره
وصرت كل ظيم المضه والمر عليه
2-زمان الغيرك عني ودارك
شكد تعب دلالي لجلك وداراك
چانت أعيوني أفراشك ودارك
وشفتي اذا ماباستك تعتب عليه
1-الزمان أيداور بحالي ودوره
أحشملك أهالي الشعله ودوره
أفتح باب دلالي ودوره
وشوف شكد حمل ظيم وأذيه
2-بين أبحور أعبرلك ودورك
ماينفع لامالك لاقصرك ودورك
أخذ دوري بالدنيا ودورك
وشوف ياهو الاصعب رده اليه
1-بشغف حبي أدوخنك وديرك
بوسط گلبي أسكننك وديرك
دوه لعظاي أشربنك وديرك
يالكلك حلو ومامنك أذيه
2-بشغف حبي دلالك أديره
بوسط روحـــي حبك أديره
وحلگك الحلگي أعضنه وأديره
وأبوسك حيل وحظننك اليه
ارجوا الرد وشكرا
الخميس يونيو 19, 2008 7:50 pm
