ابوذيات منوعة مني إلكم حبايب

هذا فد شي بسيط مني إلكم

ابوذيات منوعة لعيونكم

اشعجب دفتر عشگنة ماتگلبة ….وليش انت اليگلبك ماتگلبة ….احس الگلب بغيابك مات گلبه….وگلب گلبي توفه وعم عليه.....

سلب عگلي نحيل الطول بس مر….ومن لحظة سهم بالكلب بسمر….اود البيض روحي ابتلت بأسمر….لان عندي يشع مثل الثرية.....
الك بايع دليلي وانته حر بي... يتيم انه بجمالك وانته حر بي.. افجر كلمن يحبك وانتحر بي.. لان مخصوص حبك بس اليه.....
ردت طيفك يلوح بيوم مالاح…..وطعم فركاك صار هواي مالح ….بعد مادز رساله وابد مالح ….لان كلما ادز مترد عليه.....
روحي من الهجر ملت وسالت….عليه احباب لانشدت وسالت….الف دمعه الجرت مني وسالت….ولادمعه الجرت منهم عليه.....
طيوف العمر لامرن ولاجن….بني اندك ماعرف علتي ولاجن….ولابيره التسكرني ولا جن….لكن اسكر من يمر اسمك عليه.....
اخذ گلبي حلالك وانتحر بيه….اخذ دمي وشرايني وانت حر بيه….سم بالماي احطنك وانتحر بيه….ولا غيرك يمس اصبع من اديه....
حياتي عكب شخصك شلي بية….وجميع اعضاي صارت شلل بية….توديلي رسايل شلي بية ….اريدن شوفتك والكعدة سويا....
فراكك هدني ولا خله بيه ابد حيل وياهو الاشتكيله يكلي تستاهل او الف حيل كلما تدوس على كلبي اكولن بعد حيل دوس او خلي الوجع يزداد بيه....
قدر مكتوب حبك وانتة قسمة…الواحد مالة ناتج من تقسمة….لون بسيوف كلبي من تقسمة….دشوف معزتك شنو امسوية بية.....
عليك اصغار تسالني والاكبار….وانا المتقي بحبك والك بار….الك مسجد بنص كلبي والك بار….تصلي وتسكر وتخطب عليـــه
سنة فاتت على فراگگ ونصها….ونضرتك عمي قللها ونصها….نصيحه اليوم أسولفلك وأنصها….ولك اسكت لاتهيج الألم بيه....
وگع گلبي بغرامك ماتشيله…وجرح شوگ البيه ماتشيله….اخابر وأنته تسمع ماتشيله….ولك هالروح ماتحمل أذيه.....
هام العگل من شوگگ وجن بيك….وشبيه الگمر من يضون وجن بيك….ابوسك لو يحبسوني وجن بيك…أوامر من وزير الداخليه...
كاروك انة يمك وانته هزني …..مثل فرصة اجيتك وانتهزني ….اني شجرة بحياتك وانت هزني …..امطرلك عشك بثنين ادية...

تحياتي إلكم
أحمــ الصالحي ــد

حبيبي هلا بيك ومنور بالمنتدى

تسلم وردة وانشاء الله الاكثر من ابداعاتك

مشكووووووور وردة على جهودك الرائعة وانشاء الله المزيد