شلون تريد تحريري و انا حر
و تريد بنار تجويني و انا احر
اظل اجدف عكس موجك و اناحر
و اخلي الماي يعكس جرية بية
العلج ما جاك للتحرير بل غاز
و اجاك و حيرك يا صاح بالغاز
خنگ اطفال هذا البلد بالغاز
و خنگ كل البلد بالطائفية
المحتل اجانه بلا درايه
مسلفن عگلة بعده بلادي رايه
ما يندل خطية بلادي راية
تتحول رمح وكت الاذية
عشرتك سودة لكن - ما طلتني
ولو بجفوف غيرك - ماطلتني
اجفوفك جي كصيرة - ماطلتني
كصير انته وكلت حامض عليه
الك مفتوح كلبي وانته ضل بيه
ويولفي عبادة وانتة ضل بيه
لجلك صرت حايط وانته ضل بيه
شفت ضل اعله حايط دار فيه
عاند بعد في رايي واخلفة
مكيفة امك هم عدهة خلفة
تاليهة صرت للنوم خلفة
نومك ينفعك يا ابن الشفية
فغضب الابن من كلام ابيه فرد عليه
بعد لا ابي ارائك ولا ابيك
جدك ما صلح حالك ولا ابيك
نفع ما تلكة لا بية ولا بيك
واثنين احنة والفشل النة هوية
فغضب الاب من كلام ابيه غضبا شديدا فقال له
اريد العن ابوك الصكط لابوك
جواب شلون جاوبتة لابوك
صايرلي شريف انحرف لابوك
بس المهم الفلوس الية
فرد عليه ابنه بعد ما عزم على الرحيل قائلا
ابو الانسان يكدر بس عل امة
مخبل واخبالة صاير علامة
ارد للبيت يا بوية علامة
واذا ارجعت فلا شارب علية
s.1دجاجة انتي يالحبيبة واناديج
بذاك الصوب من اعوعيلج وانديج
هلج يردوني ابيضلهم واناديدج
وجبت البيض من غصبن عليه ....
ياورد يمت،ة نضوك .......... شهداك
مجرم عشك واحتاج ........... شهداك
احتار الـــك بالعــيد ............ شهداك
ودي اهديك كلبي لو بدية
الگلب بدّل مكانه - حل مكانه
ولو يوم اليشوفك - حلمه كانَ
أّذا فكرت تحلــــم - حلمك آنــــــه
اجيلك . بس شرط تشبگ عليــه
مشغولين عن حبنة و لاهين
شجيكم و انتو لاهينة و لا هين
ابد ما ارضخ لحبكم ولا هين
و لا ثوب المذلة يلوگ الية
مثل جنح الفراشه شفاك ورقه
وربيع الشوك منك راد ورقه
كل بوسه حبيبي اطيك ورقه
واذا حلك ابحلك دفتر هديه
لون تنسون حبكم منسحبنة
وباقين اعلة حبنة منسحبنة
مثل امبير حــبك من سحبنة
الف امبير حــبك صار بية
بيادر شوگ حبي .... لونه منك
اثاري الورد ماخذ ... لونه منك
شفايف هيچ عندي .... لو انه منك
ابيع الربع بوسه ابخمس ميه
ميني من تعدها شمالك انته
بس كلبي ملكته شمالك انته
ابوسك ما ردتني شمالك انته
ولك احسبها شقه .. احسبها عليه
التطلبه مني يصير بالفور
طفيلي وادري بيك تموت بالفور
يهودي ومن تواعد وعد بلفور
توصل للصدك تكلب عليه
تمسل تمسل جميع اعضاي حدر الهدم تمسل
وانت مفرهد وبالشعر تمسل
صرت سيف وعلي كل يوم تمسل
تكطني وتكطع جناح العلية
صرت مرهون بحبك وانت راهن
وتعال وشوف هجرك وانت راهن
يجي يوم انتواجه وانتراهن
منو الاكثر يحب خويه
يا قلب بالذي لاموك لم لم
ولا تجعل يسيل الدمع لم لم
وأن تسأل أتو فد يوم لم لم
يأتو لا ولا مرو عليه
***
الهم احنه بزغرنه صا حبينه
وظلمنه بصوت عالي صاحبينه
الظمير الحمد لله صاحبينه
لأن عدنه الولايه الحيدريه
الوكت فرحه بعمرنه ما روانه
قصص أحزان أحنه وما روانه
الغدرنه بماي صدگ ما روانه
روانه بدم لأنه من ال اميه
ليش انتن عكس وياي يمناي
أريد افرح أنوحن ليش يمناي
مو ذنبي أطيح الذنب يمناي
خانتني وقست ياحيف بيه
ابوذيات خنفشارية
الأربعاء يوليو 23, 2008 2:57 am