محتاجك صدك

من جرح الجرح يانار اداور بيك
تبرد من كتر وابكتر يجويني
ماعوفك بعد ماخذ عهد عالروح
قابل لو حطب ... للنار ترميني ؟؟
واتــنفس هواك بزحمة الدخان
اكــولن هم يحن قلبه ويطـفيني
مو ثـوب ويتنزع عن جسمي حتى ارتاح
ولا كل يوم طبعي بثوب تلكيني
محــــــــــتـــــاجــــــــــك
مدري ليش ؟؟ وليش مدري شلون ؟؟
ولاجويات نيرانك تنسيني
مادور كمت عزة نفس وياك
بس ان جاني طاري اسمك يبجيني
يااجمل حلم عشته بخيال النوم
وقيثاره لحن صوتك توعيني
محتاجك حــبــيبي بكثر مامحتاج
واحد يفهم حجيي ويحجيني
زينتك ضوه وصارت عليك العين
او حراميه العشك ترسن بساتيني
ماتلحك عليه انطاره الناطور
من ترمش عيوني انباك تدريني
سولفلي التريده اجروحي تعبانات
خليني افتهم شتريد خليني
واني وياك واضح مثل شمسك هاي
وغربيل العواذل مايغطيني
اني بغير حبك صدك ناقص دين
احبك .. واريد اكمل بيك ديني