شلون تعرف الفلم الي دتشوفه مصري

شلون تعرف الفلم الي دتشوفه مصري

1- لما يكون البطل مريض و تجي البطله تنطيه دوه و كلاص مي و راسا اتساله ها .... شلون صرت ؟؟
راسا يكوللها صرت احسن ( بالع حبه البركه هوه مو )

2- من توصل الشرطه لموقع الجريمه و هوه محد مخابرها ( المخرج متفق وياهم كون يفضه للفلم عله السريع )

3- لما البطله اتكول للبطل اني حامل البطل راسا يجاوب الي فبطنك ده لازم ينزل ( اختصاص يوسف شعبان هاي اللقطه )

4- من يطلع عله غفله اغنيه ما الها علاقه بالفلم

5- التلفون مستحيل يطلع مشغول و يحصلون بله ميدكون الرقم معرف شلون

6- لما البطل ديسوي عمليه و يطلع الدكتور و يكول وحده من تلاث حجايات ( اضطرينا انضحي بالجنين ) لو ( شدو حيلكم يا جماعه ) لو ( العمليه نجحت بس مش حتقدروا اتشوفوه دلوقتي )

7- كل الافلام من يتواعدون البطل و البطله يكعدون بنفس الكافتيريا الي كعدوا بيها البطل و البطله مال الفلم الي قبله و هم يطلبون عصير برتقال و ميشربوه لان نفسه حيستعملوه بالفلم الي وراه ( ليش الصرف الزايد )

8- لما يتصوب واحد طلقه بقلبه و يبقه يحجي و يسولف فد خمس دقايق و هوه يطشر دم لحد ما يكول منو ال القاتل او البطل امه منو

9- لا تسولف عله صوت الشطحات مال تايرات السيارات

10 - كل مقرات العصابات بالافلام مليانه قش و براميل الي حيشمرها واحد عله الاخ من يجي البطل ينقذ حبيبته من الاشرار

11- لمن اتشوف فلم اغراء البطله عمرها فوك الستين ( بين قوسين ناديه الجندي )

12- طبعا البوسه الاخيره هاي فد شي متفق عليه بس بالافلام المصريه البطله تستحي و تنزل البرده

هههههههههههههههه والله صحيح حجيك