هاي شباب جايبلكم ابوزيات كه له ك جوان ان شاء الله انتوا لايك هير

طبعك مو شجي وكتلك شجاني
اشجنيت وياك بس كلي شجاني
أمس جنت انحضن وانشم شجاني
قنفذ والحظن حصره علية


القلب مارف على غيرك ولامال
خلص عمري من كثر وعودك والامال
ابد لاولف عندي يأنسنيـ ولامال
الونس انته حبيبي وهاي هيه


حبك بالضلــع بسمار منــدك
وحـس كلبي يسولف بيك من دك
كمت اركـــض عالنقال من دك
لان ادري العزيز اتصل بيه


صرت مرهون حبك وانت راهن
وعليه ايام هجرك ون تراهن
تجي مره انتواجه وانتراهن
منو الاكثر يحب ويود اخيه


اشرفنك على العالم وفضلك
ودمعي ماجرى لغيرك وفضلك
انه من اذكر بعض طيبك وفضلك
اشكرك كل صباح وكل مسية


وكَع كَلبي بغرامك مات شيله*
وترى كَلبي التعذب مات شيله*
اخابر وانت تسمع وماتشيله*
وينك ياحلو بس رد عليه .


زنجيل ابوذيه

مره ابتعد عنك مرتاني
مره العسل منه مرتاني
مره بغفل بسته مرتاني
مره من الشفايف مرگصته
مره احجيله گصتي مر كصته
مره اشبع بطوله مركصته
ومره انطني روحي ومر اخيره
مره بدربي اول مر اخيره
مره نطيته فرصه مرخيره
اذا مايعتزل اعشكلي ميه


بنار الهجر صدك مايعاني
ونشف من كثر دمعي ماي عاني
تريداتشوف كلبي ومايعاني
مد ايدك جهنم تلكه بيه



من هجرك بقى الدلال بس تك*
لتلعب على الحبلين بس تك*
امس بالحلم مدري منين بستك*
لان كلك حلو وتاهت عليه .


صرايف عشك روحي وكصرتلك
ونفس وكت المنازع وكت صرتلك
طويل واعلى منك وكصرت لك
حتى تلوح من تبوس ادية



وحك الي خلق بلكونين آلاء
مثل عين الغزالة عيون آلاء
امد ايدي عليهه اتكول اوه لاء
تأدب لا تمد ايدك عليه



ها اشونها تاااخي

تسلم وعاشنت ايدك وننتظر اكثر

هههههههههههههههههههههه
لاوالله بس مو ابقة اكلك كبر الخط بعدين تكول هاي شكد تلح
ولا يهمك كبر الخطططططططططططط

عاشت ايدك ابذيات كلش حلوه ان شاء الله للامام

تسلم  يا مبدع