اصفن احاجي الروح وين انتة عني *** سم بالكلب فركاك حط وكتلني
صب دمعي على الگاع واحرك دغلهه *** والبصره والعشار هيه ونخلها
عشرة جدم والسان والشامت يلوم *** وجروحي من الظيم خلتني ما كوم
التمت علية هموم خلتني مانام *** واحلم وانا الصحيان كل هاي الايام
مرّت سنه من العمر مرّت كَبلهه سنين *** نتمنه چنه الكبر بس هسه متندمين
بي طبع من شبيت غيره وعناده
بس ما أخون البيت الضكت زاده
ارد اسألك يافلان يالبلهوى استاد *** تكدر تخيط جروح ما الهن ضماد
حجامي صدك عاد بكليبي اداويك *** و لو ما لكيت افراش بعيوني اغطيك
صح اليغيب هواي يتسمه مفقود*** بس انته من تغيب بنص كلبي موجود
كلم يروح بعيد عن روحي يكرب *** ساكن يظل بالعين من ميه يشرب
هاي وهذيج شلون تلاكن سوية
انة بطرك هلروح وعمت علية
لا يا جليل الذات يالماتوافي ... حسبالي بالشدات تركضلي حافي
مثل الخرز بالخيط صرن اني بيدة *** مو ذنبي ذنب الروح هيه التريدة
عجبه العشك وياك واصل لهلحد *** ينكلب شيب الراس بالحزن اسود
لحظه ونسيت هواي بالفركه غايب *** هلن دموع العين ذبن مصايب
هم شفت هم سمعيت الدمعه تحجي *** لمن يغيب هاوي اتكلي ابجي
بالغربه عشر سنين جوتني الضلوع *** لمن وصلت اشفاك اتكلي ممنوع
أمنطاني عزراييل مهله أردأشوفك
مابينت والموت خلاني أعوفك
هدني البعد ياصاح خلاني هايم ... لابالبعد مرتاح لا ليلي نايم
لو حبي بيك اندار صدك يسلك *** تدريني اموت عليك ماحاجة اكلك
روحي بسواد الليل تنشدني عنك *** كلتلها راح انساه كالتلي فنك
كلمن يكول أنساك ينهجم بيته ... يضحك عليك الكال اسمك نسيته
بسته ثلث بوسات لاجني بسته ** طعم العسل والهيل بشفافه ضكته
الثلاثاء أبريل 22, 2008 6:59 pm
